A pegada ecolóxica.
É un indicador de sustentabilidade que proporciona un marco de referencia para a análise da demanda humana da bioprodutividade. Aplicado inicialmente ós territorios, está logrando recentemente unha notable difusión como indicador aplicable ás empresas e, en xeral, ás organizacións.
- Cal é a utilidade da pegada ecolóxica como indicador de sustentabilidade?
A pegada ecolóxica comeza a ser considerada como un indicador útil e a tomarse como referencia para a planificación da sustentabilidade. Non obstante, a súa incorporación oficial nas axendas dos países, rexións e cidades é, polo momento, unha entelequia.
-Cal é a pegada ecolóxica de Galicia?
Segundo os cálculos realizados, a pegada ecolóxica de Galicia é de 6,26 hectáreas por habitante, que pasarían a 7,01 coa reserva do 12% do espazo para a conservación da biodiversidade.
-Por que é tan alta a pegada ecolóxica da nosa terra?
É certo que chama a atención o elevada que é a pegada ecolóxica de Galicia. A primeira das cuestións é analizar con que datos a comparamos e que metodoloxías usan. Desde o meu punto de vista, os sistemas de cálculo a nivel global ou de países, como xa referín, empregan unha metodoloxía distinta e aínda se están a perfeccionar. Iso explica que entre dous informes do grupo de Wackernagel (que é unha referencia mundial) a pegada de España en dous anos pase de 4,6 a 5,4 hectáreas per cápita.
-Que accións considera prioritarias para reducir a pegada ecolóxica de Galicia?
Un problema como é a excepcional pegada ecolóxica do sector do transporte en Galicia é de difícil solución inmediata. Basta recordar que o 95% do movemento interior de mercadorías faise por estrada, ou que o 61% dos galegos non teñen acceso a un sistema de transporte público inmediato.
-Opinión persoal:
Penso que o uso da pegada ecoloxica como indicador sostible é un bo método para a conservacion da biodiversidade. Pareceme un tema moi interesante , sobre todo o sabes que Galicia é un dos territorios cuxa pegada ecoloxica é moi alta comparada con outros territorios.
- Webgrafia :
http://gl.wikipedia.org/wiki/Pegada_ecol%C3%B3xica
http://dialnet.unirioja.es/servlet/articulo?codigo=2766833
http://www.google.es/images?hl=es&q=a%20pegada%20ecoloxica&um=1&ie=UTF-8&source=og&sa=N&tab=wi
Esta entrada foi elaborada por Eva Piñeiro no curso 2010-11
Tags: A pegada ecolóxica