Fume xeado: O aerogel
O aerogel é unha substancia moi parecida ao xel, que se define como unha sustancia coloidal, é dicir, unha substancia que se atopa formando un sistema físico e químico á vez, atopándose nela varios estados, ou fases simultaneamente. No caso do aerogel, o estado gaseoso substituíu o estado líquido, dando como resultado un sólido poroso cunha baixísima densidade.
Foi creado por Samuel S.Kistler, no ano 1931, case por casualidade, cando aposta co seu amigo Charles Learned, sobre se era posible ou non substituír o líquido dun tarro de marmelada por un gas sen que o volume do mesmo diminuíse. Atópase formado por un 99,8% de aire, tendo un peso de tan só uns 3 miligramos por centímetro cúbico. Pero non debemos deixarnos sorprender polo seu aspecto fráxil, pois pode chegar a soportar contorna a 1000 veces o seu peso.
Actualmente pódense fabricar distintos tipos de aerogeles, utilizando como base o sílice, a alúmina, o óxido de cromo, o estaño ou o carbono. Posee diversos usos, como aislante térmico na fabricación de fiestras de oficinas, para evitar a pérdida de calor ou frío pero permitindo a entrada da radiación solar (o uso industrial máis difundido), ou tamén como aislante acústico e como parachoques en automóbiles, pois amortece os golpes nun 89% de intensidade.
Hai unha década a NASA comezou a tomar interese pola sustancia e a propola para usos prácticos, como foi no ano 1999 coa misión espacial do Stardust , onde se envolveu un receptor completamente con aerogel para coller o po da cola dun cometa.
Hoxe en día, o campo da inxeniería comeza a experimentar con este material, que resulta adecuado para a construción de estruturas aéreas. Por exemplo, se algún día chegáramos a construir dirixibles ou globos con este material, poderiamos elevalos miles de metros e grazas ás diferenzas de temperaturas (uns 80ºC a 8.000 metros) flotarían indefinidamente.
Persoalmente, penso que este novo material será moi utilizado dentro duns anos, xa que posee unha gran variedade de posibles aplicacións que substituirían a outros materiais menos eficientes. Aparte das xa mencionadas, o fume xeado pode utilizarse para chalecos antibalas e absorbedores de petróleo en accidentes mariños. Unha vez máis, trátase dun caso de serendipia, é decir, un descubrimento afortunado e inesperado que se produce cando se está buscando outra cosa distinta.
Fontes:
- quimica.laguia2000.com Páxina de recursos educativos de arte, bioloxía e química, entre outros, na que se publican artigos. Este foi escrito por Ángeles Méndez.
- neoteo.com Revista online sobre tecnoloxía.
Esta entrada foi elaborada no curso 2014-15 por Nara González
Tags: aerogel, novos materiais