« Como apareceu a vida..?
Os alimentos tranxénicos. »
 

A clonación.

O primeiro antes de comezar a falar da clonación é definir clon: é un individuo xenéticamente igual ao organismo do que se clonaron.  A clonación é unha forma de reprodución asexual que produce individuos xenéticamente idénticos, que se da nos seres humanos no caso dos xemelgos ( poderíanse considerar clons porque conteñen a mesma información xenética). Esta forma de reprodución non presenta a riqueza da reprodución sexual, capaz de xerar individuos diferentes entre si.

PASOS DA CLONACIÓN.

Un bo exemplo no que se aprecian os pasos da clonación é o da ovella Dolly.

Resultado de imagen de Clonación

  • O primeiro paso consiste en tomar unha célula somática do individuo, á cal se lle extrae o núcleo para utilizalo posteriormente. No caso da clonación de Dolly, cultiváronse in vitro células mamarias dunha ovella adulta e extraéuselle o núcleo a unha delas.

  • O segundo paso consiste en coller un óvulo non fertilizado dun individuo da mesma especie , ao cal se lle retira o núcleo, xa que contén só a metade do material xenético que teñen as células somáticas.

  • O terceiro paso é inserir o núcleo extraído da célula somática no citoplasma do óvulo ao cal se lle extraeu o núcleo. Logo, aplícaselle a este óvulo unha mínima carga eléctrica similar á que se produce no momento da fecundación, co obxectivo de que a célula comece a dividirse. Todo isto colócase nun tubo de ensaio, onde continúa a multiplicación das células.

APLICACIÓNS DA CLONACIÓN.

Entre as aplicacións da clonación destacan:

  • Investigación biolóxica básica, para coñecer os mecanismos do ciclo celular.

  • Produción gandeira, seleccionar os individuos con determinadas características beneficiosas.

  • Recuperación de especies protexidas, como algunhas en perigo de extinción que son difíciles de criar en cautividade.

  • Obtención de animais clónicos transxénicos, para producir medicamentos e principios farmacéuticos útiles.

  • Utilización terapéutica, mediante a chamada clonación terapéutica, na que se obteñen células nai embrionarias capaces de xerar calquera tecido.

 Resultado de imagen de Animales Clonados

PROBLEMAS ÉTICOS DE LA CLONACIÓN.

A clonación na actualidade presenta serios problemas éticos.

Moitas persoas aseguran que realizar clonacións humanas traería consigo consecuencias inimaxinables como, por exemplo, o feito de que nacerían nenos con problemas como o poden se malformacións que se transmitirían de xeración en xeración.

Por este tipo de cousas e  outras moitas semellantes como o feito de que a clonación sería unha maneira de acadar a ”inmortalidade” para aqueles que teñan no seu poder os cartos suficientes para facelo; é polas que a maioría da xente non mira con bos ollos nin aproba a clonación.

CONCLUSIÓN.

Persoalmente, penso que a clonación pode ser beneficiosa ou perigosa dependendo do uso que cada un lle queira dar pero, aínda así, considero que queda moito que investigar para coñecer máis sobre ela e que cando iso aconteza poderemos sacar moitos beneficios.

Bibliografía:

 

Tags: ,