Curámonos ou facémolo peor do que xa é?
A automedicación pode definirse como a práctica de tomar medicamentos que non son prescritos polo noso médico; isto pode ser moi perigoso para a nosa saúde xa que ó automedicarse a veces nos se cumpren os prazos de tempo no que hai que tomar un determinado medicamento ou non se teñen en conta os posibles efectos secundarios que este poida causar.
Por exemplo, os antibióticos son usados en exceso para as cuestións que non teñen nada que ver coas súas propiedades, tales como a cura de procesos infecciosos ou febris e mesmo problemas respiratorios. O resultado non é o desexado, xa que cando o noso corpo non precisa delas, as bacterias fanse resistentes e cando precisamos dela, entón, ser máis difícil de tratar.
Seguramente gardas moitos dos medicamentos que xa non son necesarios porque están caducados ou xa non che serven. Recordar que é moi fácil de reciclar medicamentos. Só ten que leva-los a un dos puntos de recollida instalados nalgunhas farmacias.
Unha das causas do problema, é que hoxe en día todo o mundo parece saber como tratar as súas enfermidades, pero tamén vivimos nunha sociedade que privilexia a automedicación. En primeiro lugar, a dispoñibilidade de medicamentos que non requiren receita médica é ampla e de fácil acceso, que, xunto coa falta de tempo para ir ao consultorio do médico en busca dun remedio para combater calquera enfermidade automedicación tornouse un hábito común, un hábito.
A automedicación é xa un gran problema que afecta a moita parte da poboación e que moitas veces se automedican non sendo conscientes do perigo que isto lles pode supoñer. A xente automedicase pensando que eles sos poden solucionar o seu problema sen darse conta de que poderían empeoralo ou mesmo en casos extremos chegar a morrer.
Na miña opinión a automedicación nunca é un bo método para curar as nosas enfermidades, xa que, cada corpo é distinto e ainda que poida que a alguén un medicamento lle axudase a curarse, a outra persoa poderían afectarlle os efectos secundarios do medicamento e empeorar o seu estado.
Atopei información en: http://www.elmundo.es/elmundosalud/2008/12/02/consumosanitario/1228207334.html
Entrada elaborada no curso 12-13 por Mónica Álvarez Fernández
Tags: Auntomedicación, Saúde