« A realidade dos influencers.
A eutanasia »
 

Todo o coñecemento do mundo á nosa disposición

Cando non sabemos como facer algo, a día de hoxe o único que temos que facer é poñelo en Google e aparecerannos mil blogs, vídeos e páxinas explicándonos todo o que debemos saber. Tamén podemos entrar na tenda de aplicacións e descargarnos algo que nos ensine a aprender un idioma, que nos axude a levar a nosa empresa ou que nos faga os deberes de matemáticas.

Os humanos levamos toda a vida inventando máquinas e maneiras de facer a vida máis fácil e semella que con estas novas tecnoloxías estámolo conseguindo pero, é realmente boa esta facilidade para conseguir as cousa? Onde queda a nosa curiosidade innata, nunha búsqueda de Google? Podemos saber como é o noso entorno desde dentro da casa. Realmente, podemos viaxar a calquera parte do mundo desde o noso teléfono móbil. Podemos facer case calquera cousa desde o noso teléfono móbil.

 

Hai aplicacións e programas que nos axudan a satisfacer as nosas necesidades como entes curiosas que nos manteñen activos, hai cantidade delas que nos ensinan outras linguas, que crean métodos de aprendizaxe, que nos axudan a estar máis concentrados pero, ás veces, non te concentrarías máis simplemente apagando ese aparello que, según diversos estudos, pasamos máis de 3 horas ao día mirando? Hai defensores de que en todas as escolas se debería traballar con tabletas, de feito hai países onde os rapaces xa non aprenden a escribir manualmente e probablemente a figura do profesor se substitúa en pouco tempo por un aparello electrónico que de maneira interactiva irá traballando con cada neno todo o que debería aprender ata que o saiba.imagen

 

Temos todo o coñecemento do mundo á nosa disposición. Se queremos saber algo témolo diante das nosas caras en menos dun minuto. Per non podemos esquecernos de intentar estimular a nosa mente, temos que ser conscientes de que hai moitas cousas que aínda non están feitas e que é a curiosidade de cada un de nós a que irá enchendo eses ocos de saber, pero para iso temos que aproveitar o que xa temos. Podemos aprender moito de Google, podemos aprender o que queiramos porque con tan só un clic imos poder velo. Non debemos deixarnos levar por ese “todo”, tan só guiarnos polos nosos intereses. Todo o coñecido está nese aparelliño electrónico que sempre levamos enriba, aproveitémolo ben.

 

Fontes:

Lavanguardia.com: noticia na versión dixital do xornal La Vanguardia sobre o consumo de aparellos electrónicos. http://www.lavanguardia.com/vida/20160127/301705242421/uso-del-movil-consumo-digital-penetracion-tabletas.html 

Xataka.com: post do informático Javier Pastor nesta páxina web dedicada a noticias sobre informática. https://www.xataka.com/otros/en-finlandia-los-ninos-no-aprenderan-a-escribir-sino-a-teclear

Universia.es: páxina web da Fundación Universia dedicada ás axudas universitarias. http://noticias.universia.es/ciencia-tecnologia/noticia/2016/12/19/1147598/tecnologia-amenaza-reemplazar-docentes.html

Entrada elaborada por Sabela Pérez. Curso 17-18

 

Tags: , , ,

3 Respostas a “Todo o coñecemento do mundo á nosa disposición”

  1. sal_nerea_val Dixo:
    Xoves 7 de Xuño do 2018 ás 10:49

    O teléfono móbil, as aplicacións, etc, son instrumentos de grande importancia para a nosa sociedade, e non só polas facilidades que aporta, senón por toda a información de importancia que nos brinda. A pesar disto, a introdución das tecnoloxías na nosa vida diaria, é excesiva e por exemplo, cousas coma viaxar, non teñen punto de relación o facelo dende o sofá da túa casa, que o facelo en primeira persoa. O meu pensamento é que deberíamos reducir o uso de aparellos electrónicos das nosas vidas, ser capaces de saír ao exterior e tamén aprender cousas de primeira man.

  2. sal_lucia_vaz Dixo:
    Xoves 7 de Xuño do 2018 ás 10:58

    Está claro que na sociedade case postmoderna na que vivimos, todo a información e tódalas dúbidas que nos xordan poden quedar resoltas en menos tempo do que tarda un raio en caer. Pero tamén queda claro que isto cada vez vai xerando seres máis e máis automáticos, sen curiosidade de ningún tipo, uns cibors. Unha das principais consecuencias que esta situción vai propiciando e o aumento da desigualdade, xa que nos países subdesenvolvidos esta búsqueda fácil e rápida non é tan doada, posto que non teñen eses mecanismos de búsqueda, non poden optar a ter un móbil ou un ordenador na casa. Non poden sequera optar a ter ordenadores ou tablets nas escolas, iso tendo en conta que teñan escola…
    A globalización da información segue sen ser equitativa, haberá unha parte da poboación non curiosa e un que si.

  3. sal_lucia_cru Dixo:
    Xoves 14 de Xuño do 2018 ás 10:27

    As novas tecnoloxías brindannos un novo mundo de posibilidades pero ao igual que teñen vantaxes tamen teñen inconvintes.É moi importante coñecer os perigos que trae este novo medio e tamén é importante saber como utilizalo.